首頁 / / 死亡九巴:搭錯車巧遇友人邀往馬場 男傷者縫37針

死亡九巴:搭錯車巧遇友人邀往馬場 男傷者縫37針

Carina 2018-02-12 19:39:08

任職夜更的士司機陳容來(60歲),在車禍中受傷,左臉額由顴骨至耳珠位置,共縫了31針,另左手㬹縫了6針,而頭及身體等各部位至今仍感疼痛,心裏留下陰影。他憶述事件時猶有餘悸,指事件雖已發生2天,但心情仍未平伏,坦言:「我呢2日都瞓唔到覺,我一瞌埋隻眼就諗返起當時嘅情形,形住我隔離有個女人,佢成面血壓住我,但我幫佢唔到……。」

陳與19歲仍在學女兒及93歲母親,同住大埔區,他並非常賭博,一年最多只會入馬場觀賽4次。近日母親身體抱恙,因氣管問題要住院,他於是唔開工,方便隨時探望及照顧母親。事發當日(10日),他探母親後,坐錯車去了太和邨,適時他遇到幾名老友,對方邀請他一起入馬場,他便買了一份馬報,跟對方一齊入馬場。

賽事完結後,他到馬場外輪候九巴872號線,人龍頗長,在他前方約有20人輪候。當時有2輛872號線巴士停在車站,但一直未有開車跡象,乘客開始鼓譟,陳稱:「當時啲人奇怪部巴士點解咁耐都唔開門畀人上車,有啲人就圍住部巴士,望下係咪有人喺入面瞓覺唔開車,又無人喎,隔咗一陣先見到個司機喺另一邊施施然行過嚟,當時有啲乘客大聲話佢:『唔使做呀?』個司機冇理佢就上咗車,但司機無即時開車門,過咗2分鐘先開門畀人上車」。排在陳前面的一位女士,上車後原本打算坐在下層中間卡位的近走廊位置,但其後放棄走到上層,他便順理成章坐在該位置,當時下層逼爆。

開車後,車速一直頗快,行經第一個迴旋處時,感覺到「chok住入彎」,到另一個迴旋處時,感覺到入彎速度更快,多名乘客幾乎跌倒,有人即時向司機破口大罵,質問對方:「你點揸車㗎?」陳即時望向司機的位置,見到司機抬頭望向倒後鏡,估計是查看有沒有人跌倒。陳怒斥:「我覺得個司機態度好差」。惟司機未有因此而減速,反而愈揸愈快,陳表示:「我聽到個引擎聲,知道佢加緊速,部車愈行愈快,最尾就失控翻側咗,當時感覺到好大離心力,叫咗聲『哎呀,大鑊』」。

陳形容事發後車廂一片狼藉,四周佈滿血流披面的傷者,有部分已即場失去知覺。陳稱:「我當時拋咗去車尾,受咗傷流緊血,見仲有氣力,就幫手將2女一男乘客托起,等佢哋喺太平門嗰位出咗去先,我再伸個身出車外,等其他人拉我出嚟」。陳頭及身體多處受傷,他指,有朋友將事發時的照片傳給其女兒,女兒即時「嚇到喊」,擔憂不已。


本文來源:http://hk.on.cc/hk/bkn/cnt/news/20180212/bkn-20180212165404060-0212_00822_001.html

Tag:
本文鏈接:http://www.weddingphotohk.com/81602.html